Antzerkia

“Elkarrizketa” (“La entrevista”)

Bere ibilbidearen gailurrean dagoen zientzialari ospetsu baten eta zientzia-kazetari buru-berotzaile baten arteko topaketa gisa aurkezten zaigun “Elkarrizketa” (“La entrevista”) lana, hain zuzen, gaur-gaurkoak diren hamaika gairen inguruko eztabaida sutsu moduan doa osatzen; besteak beste, zientzia-ikerketaren balioa eta erantzukizunarekin eta horrek gizartearekin zein bizitza publikoarekin duen harremanarekin lotuta. Alabaina, intriga dramatikoak aurrera egin ahala, bi protagonistek ezingo dute eragotzi eztabaida horrek bigarren istorio bat agerian uztea. Bertan, pertsonaien nortasunak bestelako ezaugarri batzuk eskuratuko ditu, eta bien arteko harremanak, uste ez bezalako konplexutasuna eskuratuko ditu. Gurari eta gatazka pertsonal eta moralen gainean eraikia, "Elkarrizketa"-k agerian utziko duen harreman horrek XX. mendeko zientzialari garrantzitsuenetako bik izan zuten harremana ekarriko digu gogora esplizituki: alegia, Niels Bohr daniarrak eta Werner Heisenberg alemaniarrak 1941. urtean Kopenhagen izandako elkarrizketa ospetsua, modu latzean amaitu zena.

 

		URRIAK 4  Ostirala	URRIAK 6  Igandea	URRIAK 11 Ostirala	URRIAK 13 Igandea
	"Elkarrizketa"	20:30h Teatro Victoria Eugenia Donostia	20:00h Teatro Campos Elíseos Bilbao	20:30h Felix Petite Vitoria-Gasteiz	20:00h Auditorio Barañain Pamplona
	Sarreren salmenta	Kutxabank	Kutxabank Arteria Entradas Ticketmaster	Ticketea	Auditorio Barañain

“Elkarrizketa” (“La entrevista”) lanaren egileak, berriz, Luisa Etxenike idazlea eta Gustavo Ariel Schwartz fisikari eta idazlea dira. Eta elkarlanean gauzatutako antzezlan hau, hain zuzen, Donostia International Physics Centerren Mestizajeak Programaren baitan dago kokatuta. Antzezlanaren zuzendaritza artistikoa Pablo Viar jaunaren eskuetan egongo da eta Aitor Mazo eta David Luque aktoreek hartuko dute bertan parte.

Niels Bohr-en eta Werner Heisenberg-en arteko 1941. urteko Kopenhageko topaketaren gaia Michael Frayn-ek ere landu du “Copenhague” lanean; eta baita Amand Lucas irakasleak ere (Passion for Knowledge - Quantum 13ko hizlari gonbidatuetako bat), "The bomb and the swastika" lanean.

Antzezlan honen estreinaldia urriaren 4rako (ostirala) izango da Victoria Eugenia Antzokian. Asteburu berean Bilbon ere eskainiko da, igandean urriaren 6ean, Campos Eliseos Antzokian, eta hurrengo asteburuan berriz Gasteizen eta Iruñan ikusteko aukera izanen da. 

Donostiako, Bilboko eta Iruñako saioetarako sarrerak dagoeneko salgai daude Internet-en eta ohiko saltokietan. Gasteizko sarrerak dagoeneko salgai Ticketean. (22€ /18€ /12€).

Azken Albisteak

.................................................
Hitzaldien bideoak DIPC.TV n
Informazio gehiago
.................................................

Like us, find us,
follow us

        
.................................................

Get talking ...

Tweets sobre "@DIPCehu OR @euskampus OR #quantum13"

@DIPCehu | @euskampus
#quantum13

.................................................