Aurkezpena

 

Aurreko urteetako bideari jarraituta, Donostia International Physics Centerrek (DIPC) atsegin handiz aurkeztu nahi du top@DIPC - Zientziarekin solasean! topaketaren edizio berri bat; alegia, Nobel saridunen eta bigarren hezkuntzako ikasleen arteko topaketa.

2009. urteaz gero urtero-urtero egin diren topaketa hauen helburu nagusia, hain zuzen, zientzia- eta teknologia-ikasketei begirako bokazioa sustatzea da; betiere, ezagutzarekiko pasioak ikasle gazteak goitik behera busti ditzan.

	atombyatom 2009
	Passion for Knowledge 2010
	top@DIPC Zientziarekin solasean! 2011
	top@DIPC Zientziarekin solasean! Bilbo 2012

V. edizio honetan hiru topaketa egingo ditugu: bat Donostian, bestea Bilbon eta hirugarrena, aurreneko aldiz, Gasteizen. Topaketek berez duten espiritu informalari eutsiko diogu. Bertan, ikasle gazteek punta-puntako zientzialariekin hitz egiteko aukera izango dute, baita Nobel saridun batzuekin ere. Eta horiei guztiei euren zalantzak azaldu eta galderak egin ahal izango dizkiete zuzenean.
 

	Lunes 30 SEPT.		Miércoles 2 OCT.		Jueves 3 OCT.
	Donostia - San Sebastián Eureka! zientzia museoa		Vitoria - Gasteiz Museo Artium		Bilbao Bizkaia Aretoa
		Dame Jocelyn BELL BURNELL Astrofisika		Aaron CIECHANOVER Biomedikuntza		Dudley HERSCHBACH Fisika-Kimika
		Claude COHEN-TANNOUDJI Fisika		Rafael YUSTE Biologia		Sir John PENDRY Fotonika
		Juan Ignacio CIRAC Fisika teorikoa

Topaketa bakoitzean, nazioartean ezagunak diren hainbat arlotako pare bat ikertzaile izango dira (Passion for Knowledge - Quantum 13ko gonbidatuen artean aukeratutakoak) eta baita Pedro M. Etxenike ere, topaketaren moderatzaile edo aurkezle arituko dena. Gonbidatutako zientzialariek lehen pertsonan hitz egingo dute zientziarekin eta ikerketarekin lotuta duten pasioari buruz. Eta, bide batez, bertan izango diren ikasleek zientzialarien bizipenen eta ibilbide profesionalean metatutako esperientzia guztien gainean egindako galderei erantzungo diete. 

top@DIPC Zientziarekin solasean! topaketak, hain zuzen, datorren ikasturtean (2013/2014) DBHko 4. maila edo Batxilergoa egiten ari diren ikasleei zuzendutakoak dira. Topaketetan parte hartzeko izen-emateak ikastetxeen bitartez egingo dira. Horretarako, webgunean bertan eskuragarri dagoen izen-emate galdetegia bete beharko da. Aurretiko izen-ematea burutzeko epea irailaren 7a arte egongo da irekirik.

top@DIPC - Zientziarekin solasean! ekitaldia Passion for Knowledge - Quantum13 jaialdiaren baitan dago antolatua. Kutxa Gizarte Ekintzak, Naturgasek, Telefonikak, Eureka! Zientzia Museoak, Artium-ek eta UPV/EHU-k lagundutako ekimena da, eta Eusko Jaurlaritzako Hezkuntza, Hizkuntza Politika eta Kultura Sailaren Garatu ekimenaren babesa du.

Zuen zain gaude!
 

Izena ematea doakoa da.

Azken Albisteak

.................................................
Hitzaldien bideoak DIPC.TV n
Informazio gehiago
.................................................

Like us, find us,
follow us

        
.................................................

Get talking ...

Tweets sobre "@DIPCehu OR @euskampus OR #quantum13"

@DIPCehu | @euskampus
#quantum13

.................................................